KERRIEBOONTJIES VERDIK MET KOEKMEEL
2.5 kg gekerfde bone
1.3 kg uie, opgesny in klein stukkies
2 eetlepels sout, gelyk geskraap
Het bogenoemde saam in my stoompot gesit en gekook tot en met hoe sag ons daarvan hou. Ek het vir 15 min gekook. Gooi water af.
Dan het ek my sous soos volg gemaak:
800 ml bruin asyn, gekook
3 koppies suiker
2 eetlepels medium kerrie
2 hoogvol eetlepels koekmeel
Ek het ‘n pasta van die kerrie en koekmeel gemaak en dit saam my kokende asyn en suiker ingeroer by die boontjiemengsel.
Kook alles saam vir 10 min en dadelik gebottel.
Resep en foto : Flipkotie Olivier
