GRANADILLA KOEK
4 ekstragroot eiers, geskei
250 ml (1 koppie) strooisuiker
125 ml (½ koppie) olie
125 ml (½ koppie) warm water
220 g (2 x 110 g-blikkies) granadillamoes
2,5 ml (½ teelepel) granadillageursel
560 ml (2¼ koppies) koekmeel
15 ml (1 eetlepel) bakpoeier
knypie sout
VERSIERSEL:
500 g (1 klein pakkie) versiersuiker, gesif
125 g (½ blok) sagte botter
ongeveer 60 ml (4 eetlepels) warm water
55 g (½ blikkie) granadillamoes
5 ml (1 teelepel) granadillageursel
BOLAAG:
55 g (½ blikkie) granadillamoes
5 ml (1 teelepel) strooisuiker
2,5 ml (½ teelepel) mielieblom
5 ml (1 teelepel) water
Stel oond op 180 °C.
KOEK:
Klits eiergele en strooisuiker tot liggeel.
Meng olie, water granadillamoes en -geursel bymekaar. Voeg by eiergele en klits goed saam.
Sif koekmeel, bakpoeier en sout saam. Voeg by eiergeelmengsel en roer tot goed gemeng.
Klits eierwitte tot styf en vou by beslag in.
Voer twee koekpanne met 22 cm-deursnee met bakpapier en verdeel beslag so gelyk moontlik tussen koekpanne.
Bak koek vir 25 tot 30 minute of tot toetspen skoon uitkom.
VERSIERSEL:
Klits versiersuiker, botter, water, granadillamoes en -geursel tot lig en romerig.
Smeer helfte van versiersel op een koek, plaas tweede koek bo-op en smeer orige versiersel op.
BOLAAG:
Verhit granadillamoes en strooisuiker in mikrogolf vir 1 minuut.
Maak mielieblom en water tot pasta aan en roer by warm granadillamengsel.
Mikrogolf mengsel tot verdik.
Laat eers bietjie afkoel en skep bo-op koek.
Resep geplaas deur: Alta Gibson Boshoff
