OUTYDSE SOETKOEKIES MET STROOISUIKER
Resep en foto: Tessie Els Kemp
Foto 2: Charmaine Mostert
FOOD LOVERS RECIPES
Hierdie koekies word ook suikerdoempies genoem en word soms met 100’s en 1000’s bedek voor bak.
250 g margarien
375 ml strooisuiker
2 eiers
700 ml koekmeel
10 ml kremetart
5 ml koeksoda
2 ml sout
Verroom margarien en suiker tot baie goed gemeng. Voeg eiers by en meng deeglik. Voeg dan die meel, kremetart, koeksoda en sout by die eiermengsel. Meng tot ‘n sagte deeg. Maak goed toe en laat staan vir so 2 ure.
Rol klein balletjies of strooi meel en rol deeg uit. Ek rol dit altyd uit met koekroller en druk verskillende patrone. Die deeg is papperig, maar as dit ‘n ruk staan raak dit baie lekker om te hanteer.
Bak teen 190ºC vir ongeveer 10 minute of tot net bruin.
Charmaine Mostert – Baie lekker, maak veral oor kersfees van die, met royal icing.
Geskuif