ALTA SE WATERBLOMMETJIE BREDIE
1 ½ kilogram lamsvleis (gemeng: stukkie vetrib, paar stertjies, en skenkels)
1 kilogram waterblommetjies, skoon gemaak, precook in mikro vir 10 min
Braai vleis lekker bruin, haal uit kastrol. Braai nou 2 uie tot bruin en sit vleis terug in kastrol, braai vleis verder.
Voeg by en kook stadig:
2 koppies water
2 hoogvol teelepels Aromat
mespunt fyn naeltjies
2 teelepels fyn koljander
2 rondvol teelepels braai speserye
varsgemaalde swarpeper na smaak
3 eetlepels suurlemoensap
Roer deur en kook vleis tot amper sag. Pak nou waterblommetjie bo-op vleis, kook vleis en blommetjies verder, gooi bietjies water by, laaste aartappels kook tot sag. Voeg nog sout of aromat by indien te vars.
Nota: Ek gooi geen sout by in begin nie, bedien met rys en beetslaai of gepiekelde rooikool, beet en kool self ingelê.
Skoonmaak:
As jy vars blommetjies koop, sny die harde stingel onder af, maak blommetjie oop en spoel elke blommetjie onder lopende water af. Kyk mooi vir muggies, hulle is baie lief om daar vas te sit. Dan precook ek dit in sakkie vir 10 min, koel vinnig af in yswater, verpak en vries.
Resep en foto: Alta Gunter Van Dyk
