CHAKALAKA BROOD
2 koppies koekmeel (500 ml)
2 teelepels bakpoeier (10 ml)
½ teelepel sout
vars gemaalde swartpeper (na smaak)
droë knoffel vlokkies (na smaak)
aromat (na smaak)
2 eetlepels suiker (30 ml)
4 eiers (geklits)
4 eetlepels gesmelte botter of margarien (60 ml)
1 koppie gerasperde cheddar kaas (250 ml altesame, 170 ml vir binne-in, 80 ml vir bo-op)
1 blik 410 g Chakalaka (enige geur, ek verkies egter “hot&spicy” van Rhodes, wat as eindproduk dan baie mild uitkom)
Sif koekmeel, bakpoeier, sout, speserye, en suiker saam in ‘n groot mengbak.
Klits 4 eiers met ‘n vurk, voeg gesmelte botter of margarien by, en meng dit dan by droë bestanddele in.
Roer dan die blik chakalaka en 170 ml kaas by.
Meng goed.
Smeer of spuit ‘n broodpan.
Gooi mengsel in broodpan en krap eweredig.
Strooi 80 ml kaas bo-op.
Bak by 180°C vir ongeveer 50 minute tot ‘n toetspen skoon uit die middel van die brood kom.
Bedien warm of koud met botter of margarien.
Resep en foto: Liska Mariska Hulme
