VARK STROGANOFF MET GEROOKTE MOSSELS IN ROMERIGE WITWYNSOUS
Aandete: Vark stroganoff met gerookte mossels in ‘n romerige witwynsous, saam met kapokaartappels en soet ertjies!
4 groterige stukke ontbeende varknek, in repe gesny
1 groot ui, grof gekap
1/3 de van elk: rooi, groen en geel soeteissie, grof gekap
6 sampioene, grof gekap
1 teelepel knoffel, fyn gekap
3 takkies tiemie
250 ml room
3 eetlepels soetrissie sous
½ koppie droë witwyn
1 blikkie gerookte mossels
sout en grof gemaalde swartpeper na smaak
Marineer varknekrepe in 3 eetlepels sojasous en 2 eetlepels bruinsuiker.
Braai uie, soetrissies, sampioene en tiemie tot uie deurskynend is.
Voeg varknek repe by en braai goed deur. Voeg room, soetrissiesous en witwyn by.
Kook tot gaar. Voeg mossels by, sprinkel 1/2 pakkie bruinuie soppoeier oor en kook goed deur.
Foto en Resep: Petré van Jaarsveld
