SOETSUUR- OF KERRIE HOENDERNEKKIES
Hoender nekkies is deesdae so gewild in die van Dyk huis.
Vandag het ek soetsuur hoendernekkies gemaak.
1 kilogram hoender nekkies, skoon gemaak en bietjie in suurlemoensap afgewas
1 pynappel, geskil en stronk verwyder en in blokkies gesny
5 medium aartappels, geskil en in kwarte gesny
2 medium uie, grof gekerf
Braai nekkies en uie tot bruin
Voeg nou 2 koppies water by en kook vir ± 45 min
Voeg aartappels by en nog water.
Kook tot aartappels amper sag is, voeg nou pynappelblokkies by, as dit droog is nog bietjie water en kook verder, by die tyd moet nekkies en aartappels lekker sag wees al.
Maak nou sous aan vir verder kook:
4 eetlepels heuning
3 eetlepels suurlemoensap
¼ koppie wochestersous
2 teeleepels bbq spice
sout en swart peper na smaak
¼ koppie tamatie sous
½ pakkie Royco of Knorr tamatie sop
Meng dit nou met 1 koppie water en voeg by nekkies, daar moenie te veel water wees in kastrol nie, byvoorbeeld as jy dit sou afgooi sal dit so ongeveer 1 koppie sous wees.
Roer deur en laat prut vir 15 min, oppas vir brand.
KERRIE NEKKIES
Doen alles dieselfde soos met soetsuur nekkies, net sous verskil
1 eetlepel lekker kerrie
2 teelepels borrie
4 teelepels bbq spice
½ teelepel swartpeper
¼ koppie asyn
¼ koppie appelkoos konfyt
3 teelepels bruin suiker
Kook deur, bedien op basmati rys.
Foto en resep: Alta Gunter van Dyk
Geskuif na nuwe blog