HOENDERPASTEITJIES
Hier neem ek kortpad en gebruik rolle gekoopte skilferkorsdeeg. Jy kan natuurlik jou eie maak.
Neem hoenderborsies (ek neem 3) en kook met uie en geurmiddels sowat 45 minute – 1 uur tot sag. Laat afkoel, Verwyder die bene en breek/sny in stukkies.
Neem een pakkie sampioenroomsop poeier, of in my geval hoenderroomsop poeier aangesien my mense nie sampioene eet nie, en maak dit aan met water tot ‘n dik sous.
Voeg hoender stukkies by en meng deur. Laat koud word.
Druk sirkels uit deeg. Verf deeg sirkels met koue water. Sit vulsel in een helfde en druk ander helfte goed bo op vas.
Verf met geklitste eier of melk en bak tot mooi bruin en uitgepof by 200⁰C.
Resep en foto: Elaine Steyn Steyn
