KARAMEL-ROOIBOSTEE TERT
KOEK:
4 XL eiers
250 ml suiker
125 ml sterk, koue rooibostee
5 ml karamel- of vanilla geursel
400 ml koekmeel
10 ml bakpoeier
2 ml sout
30 ml gesmelte margarien
Voorverhit oond tot 180ºC.
Klits eiers en suiker baie goed saam tot lig en romerig.
Voeg rooibostee en geursel by.
Sif droë bestanddele saam en vou in.
Roer gesmelte margarien in en skep in groot gesmeerde bak.
Bak vir 35-40 minute of tot gaar.
Maak intussen die STROOP:
650 ml kookwater
2 rooibostee sakkies
310 ml suiker
100 ml brandewyn
10 ml karamel- of vanilla geursel
Verhit die water, suiker en teesakkies tot suiker opgelos is.
Bring tot kookpunt en prut vir 5 minute.
Verwyder van hitte, haal teesakkies uit en voeg brandewyn en geursel by.
Prik die koek goed met ‘n skerp mes of ‘n groot vurk sodra dit uit die oond kom.
Gooi nou die warm stroop oor die warm koek.
Laat heeltemal koud word en smeer dan BO-LAAG oor:
1 blik Caramel Treat
250 ml vars room
Klits room tot styf.
Vou Caramel Treat in en smeer oor tert.
Plaas in yskas tot benodig.
Foto: Bets Lourens
Resep geplaas deur Bets Lourens
