GRAANVLOKKIEPOEDING
DIK VLA
1 liter (4 koppies) volroommelk
knippie sout
175 ml vlapoeier
125 ml suiker
2.5 ml vanieljegeursel
GRAANVLOKKIELAAG
3 koppies graanvlokkies, fyner gedruk
1 koppie suiker
2.5 ml fyn kaneel
125 g botter
4 ekstra groot eiergele
MERINGUELAAG
4 ekstra groot eierwitte
60 ml versiersuiker, gesif
knypie kremetart
Stel oond op 180°C
DIK VLA
Verhit melk en sout in groot kastrol tot kookpunt.
Maak vlapoeier met bietjie van warm melk tot gladde pasta aan.
Voeg by res van melk en roer sodat dit nie klonte vorm nie.
Roer suiker by en laat prut vir 2 min. Verwyder vla van hitte.
Laat vla effens afkoel en roer vanieljegeursel by.
GRAANVLOKKIELAAG
Meng graanvlokkies, suiker en kaneel in groot mengbak.
Smelt botter in mikrogolf, maar moenie laat kook nie. Laat bietjie afkoel.
Klits eiergele en roer by botter. Roer bottermengsel by graanvlokkiemengsel.
Skep graanvlokkiemengsel in oondbak van 20 cm x 28 cm.
Skep vla versigtig bo-op.
Bak vir 15 min.
MERINGUELAAG
Klits eierwitte, versiersuiker en kremetart tot stywepuntstadium.
Skep oor poeding en bak nog 12 min of tot meringue goudbruin is.
Skep klontjies appelkooskonfyt bo-op sodra dit uit oond kom.
Resep geplaas deur: Susan Fourie
