ROOI FLUWEEL KOEKPOEDING
Het gister red velvet cupcakes gebak maar dit het nie reg gebak nie want my oond is foutief. Het ‘n resep gesoek om iets soos trifle daarmee te maak en op hierdie lekker resep afgekom.
1 gebakte 2 laag red velvet koek, opgesny
1 pakkie melktert kitspoeding, aangemaak soos op verpakking en vir 5 minute in yskas gesit
1 houer roomkaas, gemeng met 125 ml witsuiker
250 ml vars room, styf geklits
Vou helfte van room by poeding in en ander helfte by roomkaas.
Rasper 1 x 80 g wit sjokolade fyn.
Pak helfte van koek onder in glasbak.
Skep helfte van roomkaas en helfte van poeding mengsel bo-oor. Strooi helfte van sjokolade oor. Pak nou ander helfte van koek bo-op en laaste van poeding en roomkaas. Rond af met oorblywende sjokolade. Sit in yskas vir paar uur.
Dis ongelooflik lekker!
Foto en resep: Elaine Steyn Steyn
