GROOT PIESANGBROOD MET STUKKIES PIESANG
Klits met elektriese menger tot baie romerig en fyn skuim:
6 baie ryp piesangs
4 eiers
1 koppie suiker
½ koppie melk
½ koppie olie
Voeg by en meng:
1 kg bruismeel
¼ teelepel sout
1 teelepel koeksoda
10 ml piesang geursel
Laastens sny 4 tot 6 harde half groen piesangs in lengte deur en dan so 2 cm stukke en roer liggies deur.
Skep mengsel in 1 groot boerbrood pan met botter gesmeer en meel gestrooi.
Bak by 160 ºC vir ‘n uur en toets of gaar is met ‘n skewer.
As skoon uitkom, koel af op draadrak.
Nota: neute kan ook saam met laaste piesangs bygevoeg word.
Regte botter op ‘n sny en probeer om net by 1 te hou – amper onmoontlik!
Resep: Hennie Van der Merwe
