BEETKOEK MET DADELS, BOSBESSIES EN KLAPPER
Droë Bestanddele:
3 koppies koekmeel
350 g bruinsuiker
100 g klapper
3 teelepels Mixed Spice
3 eetlepel kakao
2 teelepels koeksoda
120 g gemengde neute, grof gekap
120 g versnipperde dadels
120 g gedroogde cranberries (Bosbessies)
± 450 g grof gerasperde rou beet
Nat Bestanddele:
5 medium eiers
1.5 koppies olie
2 eetlepel vanilla
Sap van 2 suurlemoene en 2 lemoene
Skil van 1 suurlemoen en 1 lemoen met aartappel skiller VLAK afgesny, en in ±50 ml olie grof geblits
Meng alles deeglik en bak teen LAE temperatuur tot toetspen skoon uitkom – Low & slow!
Myne het gebak teen ±140ºC vir 2 h 15 min in thermofan oond.
Laat behoorlik afkoel voordat dit uit bak gehaal word.
Versiering:
250 g roomkaas
250 g wit margarine
300 g versiersuiker, gesif
5 ml vanilla
4 eetlepels beetsap
4 eetlepels klapper
Klits alles deeglik saam en versier koek sodra deeglik afgekoel het.
Sprinkel gekapte neute en/of klapper opsioneel bo-oor.
Versiering kan halveer word, want dit is nogals baie!
Resep geplaas deur Meyer Combrinck
Foto: Meyer Combrinck
