JOHANNA SE MELKTERT MET SMEER KORS
My melktert wat ek altyd maak. Die een sonder kaneel is my man sin want hy eet nie kaneel nie.
KORS
100 g margarine
100 g suiker
175 g ongesifte koekmeel
1 teelepel bakpoeier
knippie sout
2 eiers
Klop margarine en suiker tot romerig, klop eiers een vir een by.
Sif meel bakpoeier en sout saam.
voeg by mengsel en meng deeglik.
Smeer deeg met ‘n lepel in die borde.
Bak in voorverhitte oond op 180 ºC +- 10 min tot lekker bruin.
MELKTERT MENGSEL
1 liter melk
70 ml koekmeel
70 ml mielieblom (Maizena)
knippie sout
400 g suiker
150 g margarine
4 eiers geskei
2 ml vanilla
kaneel
Meng 150 ml van die melk met koekmeel en mielieblom, sout en suiker tot glad.
Verhit res van melk tot kookpunt en klits meelmengsel daarin sodra dit begin kook.
Roer tot mengsel prut.
Voeg margarine by en roer tot gesmelt.
Klits eiergele saam en roer by.
Klits eierwitte styf en voeg dit saam met die geursel in die melkpap in.
Skep vulsel in tert borde.
Strooi kaneel oor en laat afkoel.
Resep en foto: Johanna Zwiegelaar
