HOENDERKERRIE MET GROENSLAAI OP ROOTI
Aandete was winkelgekoopte rooti met hoenderkerrie en ‘n groenslaaitjie, gemaak deur my seun – was heerlik!
Hoenderkerrie:
3 hoenderborsies
4 aartappels, blokkies gesny
Ui, gesny
halwe greenpeper, gesny
1 tamatie, gesny
1 teelepel knoffel en Gemmerpasta
1 teelepel Medium Rajah kerriepoeier
1 eetlepel Packo masala
Ontbeen hoenderborsies, verwyder vel en sny in klein blokkies. Soteer ui, greenpeper en knoffel en gemmerpasta in bietjie olie tot sag, voeg tamatie by en braai verder. Voeg nou kerriepoeier en masala by en roerbraai deur. Voeg nou bietjie water by en laat kook deur. Sit nou die hoenderstukkies by en laat prut vir so 10 min. Voeg dan aartappels by en kook verder tot sag en souserig. Voeg water by soos benodig.
Groenslaaitjie:
PNP four season salad mix
halwe komkommer
3 cocktail tamaties
Ina Paarman French Slaaisous
Sny slaaiblare, komkommer en tamaties in klein stukkies. Gooi slaaisous oor en bedien oor kerrie vulsel.
Eie resep en foto geplaas deur Noelene Rutledge Saal
