RONELL SE HOENDERPASTEITJIES
Hoender witvleis of heel hoender wat jy moet vlok agterna. Kook hoender fyn met hoenderspeserye, sout, peper en aromat na smaak. Ek voeg so 3 groot geskilde aartappels by my hoender water in. Kook tot sag. Mash die aartappel in die hoender water (net genoeg om mash te maak). Meng die fyn hoender nou met die “mash” en nog bietjie water, anders is dit baie droog. Laat heeltemal afkoel.
JY KAN ENIGE GROENTES BYSIT AS JY WIL, MAAR EK WIL VLEIS EET SO EK GEBRUIK NET HOENDER MET AARTAPPEL.
DEEG:
Smelt 500 g margarien (STORK COUNTRY SPREAD) met 1 koppie water .
Sif 4 koppies koekmeel en 1 teelepel kremetart daarby.
Gooi nou warm margarien water by meel. Meng deur met houtlepel. Gooi dan in groot plastieksak. Maak plat tot dit jou yskasrak se grote is. Verkoel oornag.
Sny more oggend deeg in so 10 blokkies. Rol dun uit op meel oppervlak en druk glas grote uit tot al die deeg op is. Ek maak hopies van 12. Sprinkel meel en pak 1 laag deeg. Smeer geklitste eier of net water bo-oor hele degie. Skep lepels vol hoender. Sit 1 laag deeg bo-op en seël met vurk. Druk gaatjie met toothpick bo-op. Nou kan jy dit vries of oornag los in yskas en more bak jy dit by 180°C tot mooi bruin kleur. Smeer eers met water of eier.
Dit kan klaar gemaak word en in vrieskas gebere word tot u dit wil bak. Vries lank en baie goed.
Foto en resep deur Ronell Visser Gouws
