PAN SKONS
Vanaand was ons lus vir Skons. Nou ja ek.het toe besluit om die pan skons te maak want dit is baie lekker. So lees die vrou nou nie die resep reg nie. Vergeet om 4 teelepels bakpoeier in te sit en sit toe net 1 in. Vergeet om 2 eetlepels suiker in te sit. Ai kom dit eers agter toe ek later in oond loer om te kyk hoe ver skons gebak het. Maar gou gou maak ek toe n plan. (het deeg in klein broodpan gesit om.broodjie vorm.te kry)
Het ‘n lekker dik sous gemaak van 1 pk mushrooms sop en 750 ml melk.
Het so 8 hoenderstrips gebak en opgekap.
Kaas gerasper op fyn kant.
Het skons gesny en botter gesmeer en kaas bo-oor gesit. Toe het ek hoender stukkies bo op gesit en agterna die sous en weer kaas op. En dit was nou baie lekker.
2 koppies meel
4 teelepels bakpoeier
2 eetlepels suiker
½ teelepel sout
½ teelepel cayenne peper
½ teelepel spesrye. ( ek gooi nutmeg in.
Sif al die droë bestanddele saam.
Vryf nou 4 eetlepels botter/margarien by meel in.
Klits 2 eiers en 1 koppie melk saam en voeg by meel mengsel en meng goed.
Skep lepels vol in “skillet”, ek het nie een nie maar gebruik ‘n brood pannetjie om dit in te bak. Dan kom dit soos n broodjie uit.
Bak by 180°C vir ±30 min of tot toetspen skoon uitkom.
Foto en resep deur Ronel Muller Thoma
