MIDDELLYF BOBOTIE
500 g maalvleis
2-3 medium uie, fyngekerf
Steak & chops of barbeque speserye
Sout en peper
1 teelepel kerriepoeier (matig)
30 ml asyn of suurlemoensap
Olie
1 eier
Melk vir maalvleis
Ekstra melk vir die eiermelk vir bo oor
2 ekstra eiers vir eiermelk
Braai uie in olie tot deurskynend. Meng suurlemoensap / asyn, sout, peper en Kerriepoeier. Roer by uie en braai so 2 min. Voeg maalvleis by en meng deur uie. Braai tot maalvleis en uie gaar is. Roer 1 eier vinnig by (anders maak hy stukke eier). Roer 100 ml melk by en roer deur. Laat kook / braai tot droog. Skep in gesmeerde oondvaste bak en sit in oond by 180 grade C tot maalvleis mooi bruin is. Meng so 100-150 ml melk en 1 eier en gooi oor maalvleis. Bak verder tot eiervla mooi gestol en deurgaar is. Bedien saam gebraaide patat skywe en mengelslaai (moenie slaaisous oorgooi nie).
Resep geplaas deur Ronel Hinrichsen
