CORA SE SNEEU-SKYFIES
Resep uit my skoonma se resepte-boek.
4 eiers
2 koppies meelblom
1 koppie melk
knippie sout
1½ koppie suiker
4 teelepels bakpoeier
2 eetlepels Botter
Klits eier en suiker tot room.
Voeg droë bestanddele by.
Bring melk en botter tot kookpunt en meng dan met mengsel.
Gooi in gesmeerde bakplaat. (ek het my rolkoekpan gebruik en uitgevoer met bakpapier)
Bak in voorverhitte oond by 180°C vir 20 -25 min en laat afkoel. Sny in blokkies en doop in stroop.
Stroop:
Kook tot stroop:
2 koppies suiker
1 koppie kook water
1/8 teelepel kremertart
Voeg by:
2 styfgeklopte eierwitte
Haal van stoof af. Doop koekie in en laat stroop afloop en rol dan in klapper.
Foto en resep: Cora Naude
