CHARLEEN SE WILDSVLEIS MENGSEL VIR PASTEIE
Foto en resep: Charleen Nieuwenhuizen.
FOOD LOVERS RECIPES
1.5 kg wildsvleis ( ek het n mengsel van eland, gemsbok en blouwildebees gebruik)
2 wortels, in klein blokkies gesny
1 seldery stingel, opgekerf
1 groot prei, opgekerf
1 groot ui, opgekerf
1 eetlepel vars knoffel
1 eetlepel tamatie paste
170 ml rooiwyn
600 ml beesaftreksel
2 teelepels elk Paprika, vars tiemie, origanum, koljander en komyn
Sout en peper na smaak
100 ml asyn
5 lourierblare
5 heel peperkorrels
5 naeltjies
3 eetlepels vars dubbel room jogurt
400 g sampioene opgekerf
250 g spek stukkies
10 ml worcestersous
In ‘n stoompot, bedek vleis met genoeg water, voeg lourierblare, heel peperkorrels, naeltjies, sout en asyn by. Prut vir ongeveer 45-60 minute. Vleis moet van been afval. Dreineer vleis. Daar moet glad nie vloeistof oorbly nie.
Braai uie, wortels, preie, seldery en sampioene vir so 10 minute oor matige hitte. Voeg spek by en braai goed deur. Voeg tamatie paste en knoffel by en roer deur. Braai vir nog sowat 5 minute. Voeg kruie en speserye by. Meng deur. Voeg wyn by, meng deur en laat prut tot wyn weggekook het. Voeg beesaftreksel en worcestersous by en prut vir sowat 15 minute. Sit vleis by en prut totdat vleis meeste van die sous absorbeer het. Sit plaat af en roer jogurt in. Laat afkoel voor dit gebruik word vir pasteie.
