HOENDERPASTEI MET SLAPKORS
6 hoenderfillette, in blokkies gesny
500 g sampioene opgekerf
2 wortels, gerasper
1 prei, opgekerf
1 seldery, opgekerf
handjievol selderyblare, opgekerf
250 g spekblokkies
1 groot ui, gekerf
400 ml melk
100 ml room
1 eetlepel knoffel
1 eetlepel heel korrelmosterd
1/2 teelepel origanum
20 ml whisky
1 pakkie Knorr “chicken and mushroom pan”
Slapkors beslag:
2 koppies koekmeel
4 teelepels bakpoeier
knippie sout
250 ml olie
250 ml melk
2 eiers
Braai sampioene in bietjie botter tot meeste vloeistof verdamp het. Geur met bietjie sout. Voeg whisky by en flambè. Sodra alkohol weg gekook het, voeg prei, seldery en wortels by. Meng en braai vir so 2-3 minute op medium hitte. Skep uit. Braai spek tot gaar. Voeg hoenderstukkies by en braai goed deur. Voeg uiemengsel, selderyblare, knoffel, origanum en growwe peper by. Meng deur. Strooi Knorr poeier bo-oor mengsel en meng. Gooi melk by, roer en prut vir sowat 5 minute. Voeg room en mosterd by, roer deur en laat mengsel bietjie afkoel. Vir die slapkors beslag: Sif die koekmeel, bakpoeier en sout saam. Klits melk, olie en eiers saam. Voeg meelmengsel by en klits goed tot dit gemeng is.
Skep vulsel in groot oondbak of kleiner glasbakkies. Skep beslag bo-op sodat vulsel heeltemal bedek is. Bak teen 190°C vir ongeveer 35-40 minute. Bedien met groenslaai.
Foto en resep: Charleen Nieuwenhuizen
Geskuif
done