WILLEM SE MAKLIKE KARRINGMELKBESKUIT
1½ kg bruismeel
1 teelepel sout
250 g botter
1½ koppies suiker
500 ml karringmelk
3 eiers
Verhit oond tot 180 ºC.
Meng meel en sout saam.
Vryf botter by die meel in.
Verhit 100 ml melk en smelt die suiker daarin.
Voeg karringmelk by suikermengsel en meng deur.
Klits eiers en meng by karringmelkmengsel.
Meng nat bestanddele by meelmengsel met ‘n houtlepel.
As die deeg te droog is voeg meer melk by.
Druk in oondpan en bak 1 uur.
Ek het 2 koppies muesli bygesit vandag. Jy kan ook 2 tot 3 eetlepels anyssade bysit.
Lekker bak.
Resep en foto: Willem Bierman
