JINNIE SE HEERLIKE PAMPOENSOP

JINNIE SE HEERLIKE PAMPOENSOP
Heerlike pampoensop gemaak vanmiddag.
Klaar binne 30 minute.
Braai 1 tlp turmeric en 1 tlp kaneel in ‘n eetlepel botter in jou drukkoker pot.
Voeg 1 kg pampoen, in blokke gekap, by. Roer als deur en laat vir 2 min. braai. Dan voeg jy 1l water by en plaas die deksel op drukkoker dat als sagkook.
Na 20 minute, verwyder van hitte en haal deksel af. As pampoen nog ferm is, kook vir nog paar minute maar as sag, voeg 7 druppels truffelolie by (opsioneel), 1 eetl droë klapper, 2 eetl heuning, kwart blokkie hoender aftreksel, bietjie peper, 1 eetl gekapte vars korianderblare en 200ml room. Meng als saam met ‘n “stick blender” tot lekker fyn. Voeg nog water by as nodig. Dan kook dit (sonder deksel) vir nog so 2 minute sodat geure meng, en dan is jou pampoensop gereed!
Ek garneer hom met ‘n skeppie mascarpone kaas en stukkies gedroogte coconut.
Bedien 6.