MEYER SE KOUE BEET- EN PRUIMSOP MET MANGO MOOSH
Stoom 5-6 bete, en hou die “beetwater” wat gevorm word in ‘n beker, en voeg by
1 x tot (20 ml) balsamic asyn
2 x tots (40 ml) Desert wyn (OBS sal ook werk, yummy)
vul met water tot 500 ml
Braai die volgende stadig saam in regte botter:
1 x medium gekapte ui
½ soet rooi soetrissie, of paprika
2-3 heel knoffeltoontjies
na smaak: komyn, borrie, kaneel, neutmuskaat, vars gemaalde swartpeper
6-8 gedroogde, ontpitte pruimedante
Sodra gaar is, voeg beetwater mengsel by, en laat stadig prut tot alles deurgaar en sag is.
Intussen:
Skil 2 x ryp, ryp mango’s en sny in klein blokkies.
Marineer met 2 x tots (40 ml) Desert wyn en vars gemaalde swartpeper, plaas in yskas
Sny geskilde bete in klein blokkies en voeg by uiemengsel, en prut/reduseer verder (voeg water by indien nodig sodat dit nie te dik of te dun is nie)
Verpulp deeglik in smoothy masjien terwyl so 20 ml olyfolie by gedrup word, en laat afkoel in yskas
Net voor opdiening:
Verpulp gemarineerde mango’s, en voeg lemoensap by indien nodig as dit te dik is.
(opsioneel) Meng so 5 x eetlepels Double Cream gewone joghurt met afgekoelde beetsop vir die “ligter kleur” beetsop.
Opdiening:
Skep donker sop eerste onder in die sopbord.
Sprinkel mildelik met fyn klapper, na smaak.
Skep ligter sop in die middel.
Skep mango moosh bo-op.
Garneer met gebraaide cashews
GENIET!
Resep en foto: Meyer Combrinck
