HANDTERTJIES
1 pak (500 g) bruismeel
2 ml sout
250 g botter of margarien
250 ml room
200 ml fyn appelkooskonfyt
30 ml koekmeelblom
1 eier
25 ml melk
Sif bruismeel en sout saam. Vryf botter hierin totdat mengsel fyn gekrummel is. Voeg room by en meng tot ‘n deeg. Meng appelkooskonfyt en koekmeelblom deeglik. Klits eier en melk saam.
Rol elke keer ‘n bietjie deeg dun uit op meelbestrooide deegplank en druk 8 cm sirkels met koekiedrukker af. Maak rand van elke sirkel met bietjie water klam. Skep teelepelsvol konfyt op elke sirkel, vou deeg oor en verseël. Verf eiermelk bo-oor. Bak 10 minute by 200ºC. Laat afkoel op draadrak. Nota – Die resep kom uit Huisgenoot wenresepte, lewer 6 dosyn.
Bron: Petra Nel
