GEVULDE VARKTJOPS
1 groot ui
knoffel
feta kaas
maaskaas (“chunky fat free gebruik)
so 2 cm dik varktjoppies
tamatie en olyf tapernade
olie
water
sout
braai sout, opsioneel
peper
gedroogde tiemie
foelie
tandestokkies
Kook spinasie in water met bietjie sout tot sag en dreineer
Sny ui fyn en braai in bietjie olie saam met ‘n goeie teelepel of meer knoffel.
Sodra ui deurskynend is gooi sampioene by wat lekker fyn opgesny is. Braai tot amper gaar.
Verwyder meeste vet van tjoppies, maar moenie weggooi kan crackly maak.
Sny gleuf in tjoppie, smeer dun lagie tapernade, sit maaskaas in en skyfie feta kaas.
Vul verder met spinasie, sampioen, ui en knoffel mengsel.
Om te keer dat vulsel uitval, steek opening toe met tandestokkies.
Plaas gevulde tjoppies in oondpan.
Geur met sout en peper (ek het braaisout gebruik) en gedroogde tiemie.
Gooi klein bietjie olie oor tjoppies en ‘n klein bietjie water onder in pan.
Bedek met foelie.
Bak in oond teen 180°C tot lekker gaar.
Laaste paar minute onder “grill” om bruin te word, ook om crackling te kry.
Resep en foto: Erika Foot
