BETS SE PIENK YSTERVARKIES
3 koppies suiker
1½ koppie water
1 eetlepel margarien
1 pakkie raspberry jellie
rooi voedselkleursel.
Plaas al die bestanddele in kastrol en verhit stadig tot suiker heeltemal opgelos het. Kook goed vir +- 2 minute. Verwyder van stoof en doop koekblokkies in warm stroop. Pak op draadrakkie om oortollige stroop te laat afdrip. Rol in klapper.
Koek Deeg:
2 koppies suiker
230 g (1 koppie) margarien
4 eiers
½ koppie melk
3 koppies koekmeel
2 teelepels bakpoeier
knypie sout
Verhit oond tot 180ºC. Smeer oondpan van 30 x 25 x 5cm.
Verroom suiker, margarien en eiers saam.
Voeg melk by en meng goed.
Sif droe bestanddele saam en voeg by.
Meng goed.
Skep in gesmeerde pan en bak 30-40 minute of tot gaar.
Keer uit en laat afkoel. Sny in blokkies, doop in stroop en rol in klapper.
Nota: en afhangend van hoe groot jou pan is en hoe groot jy jou blokke sny, kan jy tussen 60 en 80 ystervarkies uitkry
Bron: Bets Lourens
