CORN FLAKES OF POST TOASTIE POEDING
Ai, dis ‘n groot lekkerte dié! Ons het dit altyd in die koshuis gekry en ek het so lank na die resep gesoek.
3 kop.corn flakes of poast toasties
1 kop. suiker
2 kop. melk
1 kop room OF 3 kop. melk
2 eiers
1eetl. gesmelte botter
¼ t. sout
1 t. vanilla
appelkooskonfyt (opsioneel)
1½ kop. klapper (opsioneel)
Oond: 180 g C.
Smeer ‘n oondbak lekker dik met botter.
Gooi in oondbak corn flakes/poast toasties en suiker (en klapper as jy dit gaan gebruik).
Meng in beker, 3 k melk, of 2 k melk en 1 k room, eiers, gesmelte botter, sout en vanilla geursel.
Gooi bo-oor corn flakes/post toasties. Stip met appelkooskonfyt – moenie suinig wees nie.
Bak tot gestol en goudbruin… eet met roomys/vla… of sommer albei, as dit te erg na ontbytkos klink, nou-ja, eet dit dan vir ontbyt… geniet.
Geplaas deur Cecilia Smit
