BASILLIE PESTO
Basillie blare skoon en droog
Vars knoffel
Rou amandels of dennepitte (hulle is vrek duur)
Suurlemoensap en gerasperde skil
Olyfolie
Goeie parmesan of Pandano
Growwe sout en swart peper
Blits alles saam en proe tot dit vir jou reg is. Ek het ‘n halwe inkopiesak blare gehad en ‘n handvol amandels gebruik, ‘n wiggie kaas so groot soos my handpalm vooraf gerasper. 8 knoffeltoontjies, sap en skil van een suurlemoen, twee teelepels elk sout en peper en seker so koppie olyfolie. Vanoggend geproe en nog ‘n bietjie sout ingeroer voor ek dit in flessies geskep en met olyfolie geseël het. Dit is heerlik net so saam met pasta en neem braaibroodjies tot op hoërgraad. Ek het so 600ml pesto gekry.
