ALBERTA SE MIELIEBROODJIES
Resep en foto: Alberta van Wyk
2de foto: Marian van Deventer
FOOD LOVERS RECIPES
Ek gebruik so baie hierdie awesum blog so ek deel graag ook ‘n resep wat ek by my dogter Linda gekry het met julle.
Maak 12 klein broodjies
500 g bruismeel
1 blik kondensmelk
1 blik roommielies
room
bruinsuiker verkieslik maar witsuiker werk ook
Meng bruismeel, kondensmelk en roommielies. (Dis ‘n stywe taai affere maar dis reg so)
Skep in broodpannetjies.
Giet bietjie room oor (seker so 25 ml per broodjie of na smaak).
Strooi bietjie bruinsuiker oor (seker so 1 tot 2 teelepels per broodjie).
Bak by 180ºC vir so 20 – 30 min (vooraf verhit).
Ek sit my pannetjies op ‘n bakplaat, want dit kan oorkook.
Die suiker / room maak so ‘n kraakkorsie bo-op.
Heeeeerlik!!
