ROMANY KOEKIES
gee + – 1 kg koekies
250 ml suiker (1 koppie )
200 g margarien
65 ml kookolie
2 eiers
65 ml kakaopoeier
500 g bruismeel
knypie sout
200 g fyn klapper
Room margerien, suiker en olie. Voeg eiers by en meng goed. Sif kakao, bruismeel en sout saam en voeg by. Voeg dan die klapper en meng goed. Meng tot taamlike stywe deeg, sou dit te styf raak kan daar bietjie melk by gevoeg word maar dis amper nie nodig nie. Rol uit op meel bestrooide oppervlakte. Maak balletjies, druk met vurk effens plat en bak teen 180 ºC vir 12 tot 15 min.
Vulsel:
Meng 2 teelepels margarien. 1 koppie versiersuiker en 1 lepel kakao en bietjie water of smeer gesmelte sjokolade tussen in.
FOTO EN RESEP: Jan Bezuidenhout
