PETRé SE MAKLIKE HOENDERPASTEI
16 porsies
3 kg hoender
2 uie grof gekap
2 teelepels sout
Grof gemaalde swartpeper
½ teelepel fyn naeltjies
4 stukke tiemie ( ek gebruik suurlemoen tiemie)
½ bottel witwyn
Water om hoender te bedek
(Groen soetrissie en sampioene kan ook bygevoeg word)
2 blikkies gemengde groente
1 liter dik witsous
skilferkorsdeeg
Kook hoender, uie, naeltjies, sout, peper, tiemie, ½ bottel witwyn en water saam tot hoender sag is (greenpepper en sampioene kan ook bygevoeg word) – stoompot 15 tot 20 minute.
Skep hoender uit en laat afkoel, pluis in growwe stukke.
Haal stingels van tiemie uit sous.
Meng hoender met sous in pot. Voeg gemengde groente, asook dik witsous by en meng goed.
Skep in voorbereide oondpan. (Voer oondpan met puff pastry uit).
Skep beslag in pan en maak gelyk. Smeer rante met water/ melk of eiermengsel.
Plaas die deeg bo-oor en druk kante vas en sny gelyk, druk of sny blaar motiewe uit en versier. Smeer melk of eiermengsel bo-oor, en bak teen 180ºC vir 40 tot 45 minute of tot mooi goudbruin bo-op .
Resep en foto: Petré Van Jaarsveld
