PERSKE SKAAPSTERTJIES
Het toe maar besluit om my eie konkoksie aanmekaar te slaan (ek is hoeka mos ook ‘n Ouma)
1kg Skaap Stertjies mooi skoongemaak deur ons Slagter
10ml Botter
10ml Olyf Olie
1 Gekapte Ui
2 Heel naeltjies (Cloves)
7ml Knoffel Sout (Garlic Salt)
3ml Tiemie (Thyme)
Braai vleis, ui en geurmiddels saam in botter en olyf olie, tot goud bruin.
Voeg nou die volgende by:
15ml Asyn (Balsamic)
125ml Perske Blatjang (Mild peach chutney)
3 Wortels in sirkels gesny
2 Aartappels in blokkies gesny
‘n Handvol vars gekapte Pietersielie (Parsley)
Braai saam tot vleis en groente n mooi glans kry en voeg dan omtrent n koppie water by. Draai af tot op ‘n matige hitte en prut tot sag.
Bedien met Stamp Mielies (Samp). Ek roer so ‘n teelepel botter en bietjie Aromat by my Stamp Mielies in voor ek opdien.
Resep en foto: Elizabeth Margaret Hendrikz
