KARIEN SE LAMSKENKELS
2 heel lamskenkels
1 bees “stock cube”
1 knorr bees “stock pot”
1 ui, fyn gekap
1 teelepel knoffel
50 g tamatiepaste
250 ml rooiwyn
1 blik gekapte tamaties
½ teelepel gedroogde roosmaryn
gegeurde koekmeel
2 eetlepels bruinsuiker
1 blikkie sampioene
Robertsons se Garlic en Rosemary spice
Gemaalde swart peper na smaak
Strooi die meel oor die lamskenkels en braai dan in ‘n pan met olie totdat die vleis lekker bruin is. Haal die vleis uit en braai dan die ui, knoffel en roosmaryn saam tot ui sag is. Sit vleis terug in pan en voeg dan die “stock cubes” by wat in 500 ml kook water opgelos is. Voeg die wyn, tamatiepasta en blik tamaties by. Sprinkel van die Robertsons speserye oor die vleis en sommer in die sous ook. Voeg bruinsuiker en swartpepper by. Proe maar net of daar nog speserye of suiker kort. Sit deksel op en laat so 30-45 min stadig kook. Plaas alles dan in ‘n kasserol bak met ‘n deksel en laat bak op 160 ºC vir so 2-3 ure. Voeg sampioene so halfuur voordat jy gaan opdien by. Vleis was lekker sag en sappig.
My eerste probeerslag en moet sê dat dit regtig lekker was.
Resep en foto: Karien Bronkhorst
