VINNIGE HOENDERPASTEI
3 groot hoender fillets
2 fyn gekapte uie
½ groen soetrissie fyn gekap
Bietjie wituiesoppoeier
Bietjie Chicken A’la King kitsmengsel
350 ml melk/room
Sout en swart peper na smaak
Olyf Olie
1 pakkie skilferkorsdeeg
Braai uie, soetrissie en gesnipperde hoender in bietjie olyf olie. Sout en swart peper na smaak. (Ek het sommer bietjie Aromat ook oor gestrooi)
Meng melk/room met soppoeier en kitsmengsel. Voeg by gebraaide bestanddele en laat prut tot hoender lekker sag en gaar is. Laat die vulsel afkoel.
Rol deeg uit en deel in twee. Bedek bodem van oondvaste bak met een helfde lagie deeg. Vul op met hoendermengsel. Bedek hoendermengsel met ander helfde lagie deeg en druk vas met vurk langs die kante.
Bak op 180ºC vir ongeveer 25 min of tot mooi bruin.
Voila! Geniet!!
Resep en foto: Dedrei Venter