MELKTERTVULSEL
Resep: Issie Snyman
FOOD LOVERS RECIPES
(Baie lekker en romerig)
Kook saam:
1 liter melk
1 eetlepel margarine
Klits saam:
3 groot eiers
¼ teelepel sout
1 koppie suiker
Sif saam:
1 ½ eetlepels koekmeel rond
1 ½ eetlepels maizena rond
12.5 ml vlapoeier
1 teelepel vanillaGEURSEL
Voeg meelmengsel in geklitste eiermengsel.
Klits goed totdat al die klontjies opgelos is.
Roer van die kookmelk in die vloeistofmengsel in.
Dan kom laasgenoemde by die kookmelk in die pot.
Roer mengsel tot dit dik is en begin kook. Oppas vir aanbrand.
Bring af na stadige hitte sit deksel op en laat kook 1 min. Ek roer dit liefs vir een min langer, bang dit brand aan.
Skep onmiddelik in groot tertdoppe.
Strooi kaneel oor.
L.W. Vir klein melktertjies moet vulsel ten minste 2 ure staan om af te koel.
Vir iets besonders smeer klapperlaag op bodem van groot tertkorse en dan melktertvulsel.
Klapperlaag
(vir 2 terte)
125 ml bruinsuiker
250 ml fyn klapper
60 ml margarine
Plaas bogenoemde in ‘n potjie op die stoof en verhit tot botter gesmelt en suiker opgelos is, moenie kook nie.
