VERSKEIE BLIKKIES VIS GEREGTE
FOOD LOVERS RECIPES
Hettie Botha se Tuna viskoekies
2 blikkies tuna gedreineer, en gevlok
4 aartappels gekook en fyn gemaak
1 ui, fyn gekap
2 eiers geklits
15 ml pietersielie
15 ml grasuie gekap
10 ml aangemaakte mosterd
sout en peper na smaak
125 ml broodkrummels
olie vir braai
Meng al die bestanddele goed, BEHALWE DIE BROODKRUMMELS!!!
Maak ronde balletjies, druk effens plat.
Rol die balletjies in droë broodkrummels.
Plaas sowat 30 minute, in yskas.
Braai in warm olie tot goudbruin.
Geniet!
Martie Fourie Moolman
Dreineer die vis maar hou die sous. Halveer die vissies, haal die graatjie uit, doop in beslag soortgelyk aan pannekoek en diep braai. Maak die sous van die sous in ‘n blikkie. Sit in ‘n potjie en sit bietjie suurlemoensap, tabasco en bietjie water by en kook so vir ‘n minuut en bedien saam met die vissies!
William Wellington Hopley
My Pilchards resep
Braai uie in pot, voeg 2 blikke Pilchards by roer deur tot warm.
Maak kapokaartappels en plaas Pilchards in oonvaste skottel, bedek met kapokaartappels. Bak vir n halfuur in oond.
