KARRINGMELKBESKUIT
Iemand het gister weer karringmelkbeskuit resep gesoek. Hier is myne, het gisteraand weer gebak, so een pan maak net meer as twee kg. Ek bak sommer drie panne op ‘n slag maak dan beslag net 3 keer aan.
1 ½ kg bruismeel
1 ½ koppie suiker
500 g margarien (ek gebruik net stork bake)
3 eiers
1 teelepel sout
1 ½ teelepel bakpoeier
500 ml karringmelk
Klits eiers en suiker goed saam. Smelt margarien.
Gooi karringmelk by eiermengsel dan gesmelte margarien.
Voeg droë bestanddele by en meng goed.
Druk in pan. Ek druk myne met beskuitdrukker.
Bak by 180°C vir een uur. Ek draai na halfuur die panne om.
Foto en resep: Elmarie de Bruyn
