VISKOEKIEGEREG
± 2 – 3 koppies gaar rys
3 groot uie
kerriepoeier
speserye na smaak
viskoekies (Woolworths hake) hoeveelheid hang af van grootte van bak, ek het 9 gebruik
3 eetlepels koekmeel
700 – 800 ml melk, witsous moet dunnerig wees
kaas, gerasper en opsioneel – ek kan kaas met alles eet
Braai uie in ‘n bietjie olie tot deursigtig en voeg kerriepoeier, (sout, peper, borrie, cajun spice) by na smaak.
Voeg koekmeel by en roer deur.
Voeg die melk by en prut tot effens verdik.
Bak viskoekies intussen vir 10 min teen 200°C. (half gaar)
Skep rys in oondvaste bak.
Met gaatjies lepel skep meeste uie uit sousmengsel bo-op rys en bietjie van die sous.
Pak viskoekies bo-op en skep die res van die sous bo-oor.
Ek gebruik ‘n dun mes om die sous te help deursypel tot by die rys.
Strooi gerasperde kaas bo-oor (ek het ook fyngedrukte nik-naks bo-oor gestrooi).
Bak vir 20 minute teen 180°C.
Variasies kan lekker wees, voeg ‘n laag ertjies by, speel rond met speserye, gebruik visvingers, ens…. En geniet!
Foto en resep: Cindy Goosen
