JEANNETTE SE SUURLEMOEN-MERINGUE-TERT
Dit is sommer ‘n ou resep van ‘n Nestle Kondensmelk blikkie. Hulle het mos altyd ‘n resep agterop gesit. Ek het dit net bietjie aangepas. Die eiers het ek verdubbel en meer suiker gebruik.
1 blik kondensmelk
125 ml suurlemoensap gerasperde skil van 1 suurlemoen
2 eiers, geskei
25 ml suiker
20 cm beskuitjiebasis Meng kondensmelk, suurlemoensap, suurlemoenskil en eiergele. Giet mengsel in die beskuitjiebasis. Bedek met meringue wat berei word deur eierwitte styf te klop en dan die suiker geleidelik by te voeg tot dit glad en glansend is. Bak vir 10 minute by 180 grade of tot bruin bo-op. Verkoel voor bediening.
Resep aangepas en Foto deur: Jeannette Havenga
