(Genoeg vir 12)
1 koppie meelblom
Knippie sout
3 teelepels bakpoeier
2 eetlepels botter
1 koppie gerasperde Cheddarkaas
1 eier
1 eetlepel water
7 eetlepels melk
(Opsioneel: 3 eetlelpels biltong poeier en ‘n ekstra eetlepel melk)
Sif die meel, sout en bakpoeier saam. Vryf die botter liggies met die vingerpunte in die meel en voeg dan die kaas in. (Asook die biltong indien dit gebruik word). Klop die eier saam met die 1 eetlepel water en voeg dan die 7 eetlepels melk by. (Plus die ekstra eetlepel melk indien die biltongpoeier bykom). Meng alles goed deur en skep in muffin pannetjies. Bak by 20OºC vir 10 minute. (Vir gasoond het ek effens hoër stelling gehad en 5 minute langer gebak.)
RESEP EN FOTO: Adam Cloete
Liesie Nel
Ek het Saterdag n maalvleispastei gemaak. Die bolaag was Adam se Kaas Skons (op die blog) en die vleismengsel was uie, greenpepper, wortelblokkies en aartappelblokkies wat saam met die vleis geroerbraai is. Kerrie, borrie, paprika, sout en peper. Bruin uiesoppoeier aangemaak met ongeveer 1 koppie water bygevoeg.
