SJOKOLADE VRUGTEKOEK
1 kg safari koekmengsel(vrugte)
2 koppies kersies rooi en groen
1 koppie groenvye in blikkie wat in water ingele is
250 g dadels gesny
2 koppies gesuikerde vrugte gesny
3 koppies water
2 koppies strooisuiker
10 ml koeksoda
1 kop olie
6 eiers
10 ml vanilla geursel
4 kop koekmeel
5 ml bakpoeier
5 ml sout
20 ml kakao
20 ml gemengde speserye ( mixspice)
20 ml goeie brandewyn
Kook al jou koekvrugte, dadels, kersies, vye, versuikerde vrugte lekkers, water, suiker, koeksoda en olie vir net 5 minute saam. Laat staan om koud te word.
Klits eiers tot liggeel en voeg vanilla by.
Sif koekmeel, bakpoeier, sout, kakao en speserye saam en meng met goed geklitste eiermengsel. Vou afgekoelde vrugtemengsel by eiermengsel.
Skep in voorbereide 235 mm pan wat uit gelê is met waspapier.
Sit bruinpapier aan buite kant, bind met witlyn vas.
Bak vir 1½ uur op 160ºC of tot toets pen skoon uit kom, dan is hy reg.
Giet so kwart koppie brandewyn oor as hy nog warm is, laat heel afkoel en verpak lugdig in foelie of waspapier.
Jy kan brandewyn elke week oor sprinkel vir 4 weke.
Versier hom met mooi kersies en geglansuurde vrugte.
Sny op kersdag
Foto en resep: Elize Venter
