GESTOLDE AARBEI NAGEREG
500 ml water
200 ml strooisuiker
300 g vars aarbeie
5 ml suurlemoensap
1.5 pk pakkies aarbeijellie
3 eiers, geskei
Verhit strooisuiker en water tot kookpunt. Maak aarbeie fyn (hou paar vir garnering) en meng met suurlemoensap.
Roer by suikerwater en verhit net 1 minuut. Laat effens afkoel en voeg jellie by. Roer tot gesmelt. Klits eiergele goed, voeg by en laat afkoel tot net-net dik.
Klits eierwitte styf en vou in mengsel in. Gooi in 1 bak of aparte glasies en sit in koelkas.
Voor bediening kom vars aarbeie, opgesnyde skyfies en ‘n spuitjie room bo-op.
Die oorspronklike resep kom uit Huisgenoot maar het piesangs en meer water, ek het hom aangepas. Ook heerlik met pynappel
Resep en foto van Magde Van der Kolff
