SAMPIOENBROODJIE
Klont botter
250 g sampioene gekerf
2,5 ml vars gekapte knoffel
3 grasuie gekap
Sout en peper na smaak
3 eetlepel vars pietersielie gekap
500 ml koekmeel
10 ml bakpoeier
125 ml olie
125 ml melk
4 eiers
¾ koppie Cheddarkaas fyn gerasper
Stel oond op 180°C. Smelt botter en soteer sampioene en knoffel tot vloeistof verdamp. Voeg grasuie, sout, peper en pietersielie by en soteer nog 2min. Sif meel, bakpoeier en sout. Meng olie en melk. Klits eiers en roer by melkmengsel in. Roer eiermengsel by meelmengsel en roer dan sampioenemengsel en kaas by. Skep in gesmeerde broodpan. Bak vir 45 min of tot toetspen skoon uitkom. Laat bietjie afkoel in pan, keer uit en geniet.
Resep en foto: Rina Kleinhans
