ROOMKAAS VERSIERSEL
Foto: Rina Kleinhans
FOOD LOVERS RECIPES
Resep: Felicity Taljaard
My resep…. en hy werk elke keer perfek
1 ½ koppie room, styfgeklop
1 bakkie marscapone kaas
1 bakkie roomkaas (by kamer temperatuur)
In ander bak, klits eers die marscapone bietjie, voeg dan die roomkaas by en klits net tot gemeng. Voeg 1 teelepel vanilla by en roer by kaas mengsel. Voeg een koppie versiersuiker (gesif) by, meng deur kase en laaste die styfgeklopte room. Hoop dit maak sin.
Resep: Lucinda Coetzee
1 houer roomkaas
2 eetlepels margarien
½ teelepel vanilla geursel
250 ml strooisuiker
Meng goed met elektriese klitser.
Resep: Elzet Richter
100 ml roommaaskaas
375 ml versiersuiker
100 ml sagte botter
4 ml vanilla geursel
Meng alles saam.
Versier koek met versiersel en neute.
Resep: Ans Nieuwoudt
Meng ‘n houertjie maaskaas met 6 eetlepels versiersuiker en ‘n bietjie vanille geursel en versier die koek daarmee.
Resep: Alida Siebert
8 eetlepels maaskaas
lemoen se gerasperde skil
½ lemoen se sap saamgeklits.
Pakkie 500 g versiersuiker bygeklits en bo-op gesmeer
Het die bak uitgelek dis so lekker
Resep: Hester de Bruyn
Klits een koppie Stork bake margarien… (kamertempratuur) voeg nou 3 tot 4 koppies versiersuiker en ‘n ½ bakkie room maaskaas en 1 teelepel vanilla by …klits tot room . Baie lekker
Resep: Laetitia Visagie
Meng 120 ml sagte botter by so 2 koppies versiersuiker, meng 120 ml roomkaas (creamed cottage cheese) daarby, meng goed, voeg 5 ml vanilla geursel by of 1 eetlepel vars suurlemoensap. Meng goed en voeg nog versiersuiker by tot dik genoeg. Gebruik soutlose botter vir wit versiersel (die botter wat absoluut die beste werk is Lurpak sonder sout – dit het ongelukkig baie duur geword maar is die moeite werd)
