Dit was die stowe vleis wat ek gisteraand gemaak het wat oorgebly het en toe in pasteitjies omgetower is. Die vleis in my stoompot in bietjie olyfolie bruin gebraai saam met gekapte uie en toe ‘n koppie rooiwyn bygegooi en so half koppie water en dit vir ‘n uur laat stoom onder druk. Toe gooi ek knoffel, eetlepel fyn koljander, teelepel gemengde Italiaanse kruie, ‘n blikkie tamatie, uie & groenpepper by en laat nog so halfuur onder druk stoom. Teen hierdie tyd was die vleis sag en van die bene afgeval.
Sit toe blokkies aartappel en wortel by asook gesnyde baby marrow en ‘n pakkie wit sampioene by en laat dit gaar word en meng dan ‘n half koppie water met ‘n halwe pakkie bruin uie soppoeier om dit te verdik en die sout smaak te gee. Ek het seker gemaak al die beentjies is uit die vleis verwyder voordat ek dit in die deeg holtetjies geskep het vanaand. Vou toe die deeg soos ‘n wasgoed bondeltjie (gebruik ‘n tande stokkie om dit toe te hou), verf met geklitste eier en bak by 200 C vir 25min of tot mooi bruin en gaar. *Ek sny die uitgerolde deeg in sirkels en pak hulle in my medium muffin panne voordat ek die vleis inskep. So is al die pasteitjies dieselfde grootte en dit lyk sommer mooi ook. ‘n Piering werk goed as ‘n mate vir die sirkels.
https://foodloversrecipes.com/kookwater-deeg-vir-pasteitjies/
Elsabie Templeton
