LEMONADE-VERSKEIE RESEPTE
LEMONADE SOOS CAROL DIT MAAK:
Druk die sap van vars suurlemoene uit tot dit n liter maak. Syg deur moeselien doek. Vir elke 1 liter sap gebruik 1.5 kg suiker. Verhit stadig en roer tot suiker opgelos is.
Haal van stoof af en lt afkoel. Bottel en verseël in yskas of koel plek. Meng kwart glas stroop met driekwart yswater wanneer jy dit skink.
Geniet
************************
OUTYDSE LIMONADE
6 koppies water
15 kopies witsuiker
gerasperde skil van 10 suurlemoene
sap van 50 suurlemoene
Verhit water, suiker en skil in swaarboomkastrol oor lae hitte.
Roer deurentyd tot al die suiker opgelos het.
Verhit stroop tot kookpunt en laat 5 minute lank kook.
Haal van stoof af en laat afkoel.
Syg die stroop deur ‘n moeseliendoek en voeg die suurlemoensap by. Laat die stroop goed afkoel. Vul die bottels tot 3 cm van bo af en preserveer soos bo beskryf.
Skink een deel limonade op twee dele water
Pieterjasie
LEMONADE:
Ouma se resepte
500 ml suiker
250 ml water
250 ml vars suurlemoensap
Meng die suiker en water in ‘n kastrol en verhit dit stadig terwyl dit aanhoudend geroer word totdat die suiker opgelos is. Verhit die stroop tot kookpunt en laat dit 5 minute lank kook oor matige hitte sonder om te roer. Laat die stroop afkoel en voeg die suurlemoensap by. Syg die limonade deur ‘n moeseliendoek en bêre dit in ‘n houer met ‘n deksel in die yskas. Bedien die limonade deur 30ml van die suurlemoenstroop by ‘n glas yswater te voeg.
Lewer ongeveer 600 ml onverdunde stroop.
