MAKLIKE INGELEGDE KOEJAWELS
Vir elke 1 kg koejawels (geskil)
250 g suiker
2 koppies water
Kook suiker en water tot blink borrels vorm, so half stroperig.
Voeg vrugte by kook tot pitte begin loskom.
Skep bietjie stroop in bottels.
Pak vrugte oop kant ondertoe, vul op met stroop en seël.
Mandy Nel
Tweede foto en verandering: Elize Senior Wolvaardt
Ipv 250 g suiker het ek 250 ml suiker gebruik per kg koejawels. Ek het 4 kg plus 8 los koejawels gehad. Ek het sommer 2 by elke kg gegooi. Stroop gekook vir so 10 minute, vrugte bygevoeg sodra dit begin kook het. Het ek dit vir ongeveer 7-8 minute gekook. Gebottel en dis heerlik. Daar is geen suurlemoen in nie, Sal dit saak maak?
Rina Kleinhans: Suurlemoen help maar net dat dit nie sandsuiker nie, maar as dit reggekook is sal dit nie nodig wees nie.
