PATATGEBAK
4 groot patats geskil en in skywe gesny
2 med groot tert appels afgeskil en in skywe gesny
50 ml bruinsuiker
sout na smaak
3 ml fyn kaneel
100 ml Lemoensap vars uitgedruk
5 ml lemoenskil gerasper
40-50 ml botter
Plaas patats en appels in lae in gesmeerder oondskottel. Besprinkel appellae met bruinsuiker, sout, kaneel en lemoenskil. Meng lemoensap en botter en verhit tot botter gesmelt is. Gooi sous oor en bedek. Bak by 180 grade C tot die patats gaar is.
Bedek met ‘n lekker dik laag fyngekapte pekanneute wat met bruinsuiker en gesmelte botter gemeng is en oor die patats gesprinkel is. Maak oop en bak tot mooi gebak.
Nota: die lemoensap en skil kan ook met suurlemoen vervang word.
Mens kan ook 50 ml fyngekapte ingemaakte gemmer in die patat lae sit.
Foto en resep: Rina Kleinhans
