GRIEKSE MELKPASTEI
1,250ml Melk
4 Eiers
160ml Maizena(Mielieblom)
150ml Suiker
10ml vanilla
10ml botter
1x 500gr phillo-deeg
100ml of meer botter gesmelt
STROOP
180ml suiker
180ml water
5ml suurlemoensap
2 naeltjies; stukkie heel pypkaneel
Verhit oond tot 170 grade C. Klits melk, eiers, mielieblom, suiker, geursel, lemoenskil en botter in ‘n kastrol. Verhit tot kookpunt terwyl aanhoudend geroer word. Haal van hitte af en laat afkoel. Smeer ‘n groot, langwerpige oondvaste bak met botter. Verf deeg met botter en plaas helfte van deeg onder in bak. Laat oortollige deeg oor kante van bak hang. Skep vulsel in, vou deegreste oor vulsel na binne en plaas orige velle een vir een bo-op vulsel. Onthou om elke vel eers met gesmelte botter te verf. Laat ‘n 5cm rand en knip orige deeg af. Vou randjie netjies na binne. Sny bokant versigtig met ‘n skerp mes diagonaal in een en dan in ander rigting deur drie velle deeg om ‘n diamantpatroon te vorm. Bak sowat 45 minute tot goudbruin. Maak intussen die stroop: Meng alle bestanddele en laat kook sowat 15 minute tot dit effens dikker word. Laat afkoel, verwyder naeltjies en pypkaneel en giet oor warm pastei sodra dit uit die oond kom. Laat staan vyf ure om deur te trek.
Foto: Judy Bester
geskuif